या कार्यक्रमाचे अध्यक्षस्थान महाविद्यालयाच्या प्राचार्या डॉ. मंजुश्री बोबडे यांनी भूषविले. या वेळी मार्गदर्शन करताना त्या म्हणाल्या, ‘महाविद्यालयातील विद्यार्थ्यांनी गुणवत्तापूर्ण शिक्षण पूर्ण केल्यानंतर त्यांना नोकरीची संधी मिळाली नाही, तर त्याने स्वयंरोजगाराची प्रेरणा घेऊन छोट्या-मोठ्या उद्योगातून रोजगार निर्माण करावा या उद्देशाने महाविद्यालयामध्ये उद्योजकता विकास समिती कार्यरत आहे. महाविद्यालयातील विद्यार्थ्यांना सातत्याने समुपदेशन आणि आवश्यक ते मार्गदर्शन होण्यासाठी महाविद्यालयात उद्योजकता विकास समिती स्थापन करण्यात येणार आहे.’


या वेळी बोलताना प्रमुख पाहुणे सुतार म्हणाले, ‘व्यवसायात यश संपादन करण्यासाठी काहीतरी ध्येय समोर ठेवणे गरजेचे आहे. त्यासाठी योजना आखून, ज्ञान ग्रहण करून, सातत्याने परिश्रमाची तयारी ठेऊन, सकारात्मक दृष्टिकोन बाळगून, सामाजिक भान ठेऊन उद्योग व्यावसाय सुरू केल्यास निश्चितपणे व्यावसायात यश मिळू शकते. स्पर्धेच्या युगात आपला व्यवसाय वाढवायचा आणि टिकवायचा असल्यास सातत्याने दर्जेदार उत्पादन देणे आवश्यक आहे.’